Ny nettstad
Volda Tennislag og Fantastiske Osberget har dei siste månadane samarbeida tett om å utvikle ei ny heimeside for klubben. Resultatet ser du her.
“– Den gamle nettstaden har gjort jobben i mange år, men no var det på tide å oppdatere både teknologien og innhaldet.”
Vår samarbeidspartner.
Enkelt å halde ved like
Klubben havna på ei løysing levert av Squarespace med design og konsept levert av Fantastiske Osberget. Magne Grimstad jr. har gjort ein framifrå jobb med å lage ei enkelt og praktisk side med reine linjer. Opplæring av klubben i verktøyet gjer at det skal vere enkelt å halde ved like over tid.
– Squarespace har eit særs enkelt grensesnitt, der det er lav terskel for å lære seg korleis ein kan legge til nytt innhald, seier Magne. Han legg til at dette er viktig for ein klubb der dei som driftar sannsynlegvis vil bli skifta ut med jamne mellomrom.
Skeide viser til at det har vore god dialog i utviklingsarbeidet, og det er han som i første omgang vil ha ansvar for å drifte sida for klubben. Prosessen har vore særs god læring for Skeide som hadde minimalt med erfaring frå før av. Opplæring av andre medlemmer i klubben vil skje fortløpende. Spesielt vil nok (forhåpentlegvis) Ole Wirum vere ein aktiv bidragsytar også her.
Ønsker feedback
Klubben håper at medlemmane vil gå nettstaden i sømmane og rapportere inn alle feil som vi sjølve ikkje har plukka opp. Meld frå til Vebjørn så snart som råd med alt dykk måtte ha av innspel. Vi ønsker også å bygge opp eit galleri med bilder frå klubben, både nye og gamle. Dese kan sendast til Vebjørn på mail. Om det er noko anna dykk savnar, ikkje nøl med å ta kontakt.
Vebjørn kan nåast på vebjorn.skeide@gmail.com.
Takkar for godt samarbeid
-Magne i Fantastiske Osberget har vore framifrå til å styre prosjektet og halde dei utallege innspela mine i sjakk, noko som nok har vore heilt nødvendig for ein som ofte blir alt for engasjert i nye prosjekt, seier Vebjørn. Samarbeidet har vore meget godt, og klubben er godt fornøygde med sluttresultatet.
Gratis kurs for barn
Klubben har fått ein god oppsving dei siste åra, og styret håper at den nye nettstaden vil vere neste steg på vegen. Medlemmane må gjerne dele nyheiter frå nettstaden, og vi vil også publisere aktivitetar og kurs som klubben arrangerer. Mellom anna vil vi starte med gratis kurs for barn fom. neste mandag, 20.01, og vi håper at fleire vil nytte sjansen til å lære seg tennis slik at vi rekrutterer fleire spelarar til sporten. Det er ikkje til å stikke under ein stol at snittalderen er noko høg i klubben!
Les fleire nyhender under her:
