Ny sponsor
Vår sponsor.
Volda Tennislag og Sparebanken Møre har forplikta seg til å spele ball saman dei neste tre åra. Sparebanken Møre er no klubben sin hovudsponsor.
“– Forhåpentlegvis vil samarbeidet bere frukter, og verte like suksessrikt som brørne Bryans; tidenes mestvinnande dobbelpar i tennis”
Frå venstre: leiar i Volda Tennislag , Vebjørn Skeide og banksjef i Sparebanken Møre, Sindre Monsholm. Foto: Privat
Sjølv om det kanskje ikkje er like mykje pengar involvert i samarbeidet på Sunnmøre som premiepengane som Bryan brothers opparbeida seg gjennom åra, gjer partnarskapet det i mykje større grad mogleg for klubben å gjere langsiktige investeringar i anlegg og treningsutstyr, seier leiar i Volda Tennislag, Vebjørn Skeide, i ei pressemelding.
Klubben har dei siste åra fått eit oppsving, med medlemsauke, hyppige aktivitetar og turneringar, samt gjort eit comeback i NM-lag der laget for eit par helger sidan tok sin første lagsiger mot Nesttun Tennisklubb frå Bergen. Med den goén som er i klubben med tilhøyrande auka aktivitet gjev Sparebanken Møre oss gode og langsiktige rammevilkår til å fortsette vidare utvikling av klubben, fortel Skeide.
Skeide viser også til viktige punkt som at Sparebanken Møre er ein lokal aktør og har vist seg som ein seriøs støttespelar for mange lag og organisasjonar i lokalsamfunna dei er ein del av, og som også kan bidra med viktig erfaring frå klubbdrift etter kvart som tennisklubben veks.
Sindre Monsholm, banksjef i Sparebanken Møre, er imponert over engasjementet som Volda Tennislag har vist så langt, og ynskjer å fortsette å vere ein viktig bidragsytar for å støtte lag og organisasjonar i Volda som bidreg til eit breitt tilbod av aktivitetar.
Les fleire nyhender under her:
